ROTEIRO POLA FRAGA DA MARRONDA – ALTO EO (BALEIRA) 03-12-2017

Agardámoste o vindeiro domingo 3 de decembro no roteiro que transcorrerá  pola veira do río Eo e tamén por unha zona da Fraga da Marronda, no concello de Baleira.                           VER CARTEL

Ver fotos

Ver máis fotos  cedidas por José Luis Pérez

Publicado en Sen clasificar | Deixa un comentario

ROTEIRO POLOS ANCARES – BECERREÁ 12-11-2017

O domingo 12 de novembro agárdanos un roteiro por terras de Becerreá (Quintá de Cancelada). Ao longo do mesmo teremos a oportunidade, pero non a seguridade, de apañar 2 delicias propias do outono: castañas e cogomelos, que poderemos degustar ao remate da ruta, xunto con alugunha outra sorpresa.

Ver cartel

Vaia roteiro máis fermoso! Que soutos ten Quintá! E que dicir do remate na casa familiar no guía (Chema)! Entre el, súa nai e os asadores de castañas, agasalláronnos como se fósemos da súa íntima familia. Na “cuchipanda” tamén tiveron unha labor importante os cociñeiros da degustación de cogomelos  (Loli e outros participantes na ruta dos que,  desafortunadamente, non recordo o nome). Non faltou de nada: exquisitas e abondosas viandas, viño e outras  variadas bebidas, , música de Fuxan os Ventos, humor “da terra” …  Grazas a todos e todas, especialmente a Chema e achegados. Que persoas máis agarimosas!!!

AVISOquedou no autobús un paraugas vermello. Está no local de ADEGA (rúa das Fontiñas 180, entrechán). Para recollelo chamar previamente ao nº de teléfono fixo (982 240299).

Ver fotos

Publicado en Sen clasificar | 1 comentario

ROTEIRO POLO COUREL 29-10-2017

XA HAI DÚAS DÉCADAS QUE ADEGA-LUGO ORGANIZA ROTEIROS! Por esta razón, nesta campaña 2017-18 non os imos adicar, como ven sendo habitual, a unha temática concreta, senón que escollemos algunhas das temáticas e/ou lugares que tiveron mellor acollida nestes últimos 20 anos (ver a relación dos 9 roteiros 2017-2018).

O primeiro roteiro da tempada será o domingo día 29 de outono. Trascorrerá, como en anos anteriores,  por terras de O Courel, e daranos a oportunidade de pasar un día moi fermoso inmersos nas súas paisaxes outonais. Ver cartel deste roteiro. 

Ver máis información:

http://adega.gal/novas.php?id=663&idioma=gl&sec=209

http://adega.gal/axenda.php?id=469&idioma=gl&sec=11

Ver fotos

Ver máis fotos

Publicado en Sen clasificar | Comentarios desactivados en ROTEIRO POLO COUREL 29-10-2017

ROTEIRO POLO ROSAL-VALENÇA DO MINHO 18-06-2017

Agardámoste o vindeiro 18 de xuño para dar remate á campaña dos roteiros “Recuperando o noso”. Neste caso visitaremos no concello do Rosal un elemento patrimonial de gran relavancia: Os muíños do Folón e do Picón. Pola tarde desprazarémonos ao concello portugués de Valença do Minho, onde, en función da temperatura do día e do nivel de cansanzo de cada participante, poderemos contemplar unha espectacular paisaxe granítica no Castelo da Furna, ou exercer de “turistas” en Valença-A Fortaleza.

Ten en conta que, debido á distancia, a saída de Lugo será ás 8 h.

Ver cartel

Ver fotos. Só figuran as da ruta da mañá, porque a fotógrafa non participou da ruta da tarde debido ás elevadas temperaturas do día.

Ver fotos

Que pasedes un bo verán e que vos queden folgos para afrontar os roteiros 2017-2018!

 

Publicado en Sen clasificar | Comentarios desactivados en ROTEIRO POLO ROSAL-VALENÇA DO MINHO 18-06-2017

ROTEIRO POR NEGUEIRA DE MUÑIZ 21-05-2017

O domingo, 21 de maio, ADEGA-Lugo celebra o seu penúltimo roteiro do programa “Recuperando O Noso”, que terá lugar en Negueira de Muñiz. Neste ciclo de andainas 2016-2017 puxéronse en valor iniciativas, proxectos ou experiencias que recuperan o noso patrimonio ou saber popular. En Negueira de Muñiz coñeceremos o proxecto de vida comunal dos veciños e veciñas de Ernes, Vilar e Foxos, que se foron asentando nas últimas décadas nos lugares nos que  a construción do encoro de Grandas de Salime asolagara unha parte das terras desas aldeas. Estes veciños guiarannos na ruta e darannos a coñecer o seu interesante proxecto de agroecoloxía “Cooperativa Ribeira do Navia” .

O percorrido será de 12 km e de dificultade media, agás os 3 primeiros km nos que a dificultade se achega á media-alta, debido á pendente.

Ver cartel

Ver fotos

Publicado en Sen clasificar | Comentarios desactivados en ROTEIRO POR NEGUEIRA DE MUÑIZ 21-05-2017

ROTEIRO POLA PONTENOVA 23-ABRIL-2017

O vindeiro domingo, 23 de abril, ADEGA-Lugo convídate a participar nun roteiro de 14 quilómetros para coñecer as ferrarías e fornos da Pontenova (Lugo). A ruta denomínase “Ruta das Reigadas” e enmárcase no programa de roteiros 2016-2017 dedicado a coñecer o patrimonio material e inmaterial recuperado baixo o título de “Recuperando O Noso“. Nesta ruta de abril, visitaremos ríos, fragas e elementos pertencentes á nosa cultura tradicional, como as ferrarías. Ao final da andaina, tamén coñeceremos os Fornos da Pontenova.

O roteiro terá unha lonxitude de 14 quilómetros e a dificultade será media-baixa.

VER CARTEL

Podedes  ver as FOTOS deste  magnífico roteiro. Realmente tivemos ocasión de camiñar por unha “Señora Fraga”, tanto no que respecta á superficie como ao seu estado de conservación. Que biodiversidade!                                                                                             Grazas ao fotógrafo e a tódolos participantes. Vémonos o 21 de maio por terras de Negueira de Muñiz.

Publicado en Sen clasificar | 2 Comentarios

ROTEIRO POR CHANTADA 26-03-2017

Agardámoste no vindeiro roteiro por Chantada, terra de vides, adegas e barcas de paso.

Ver cartel

Ver fotos Perdón: a último foto non corresponde a este roteiro.

Máis fotos

Máis fotos aportadas por M Muñiz

Publicado en Sen clasificar | Comentarios desactivados en ROTEIRO POR CHANTADA 26-03-2017

ROTEIRO POLAS FRAGAS DO EUME

Agardámoste o vindeiro 19 de febreiro para percorrer con nós as fermosas paisaxes do Parque Natural das Fragas do Eume. Tamén teremos oportunidade para visitar algúns elementos etnográficos da contorna.

Ver cartel

Cómpre das as grazas ao membros da Asociación Roxín Roxal polo ben que nos tiñan preparado este roteiro polas Fragas do Eume. Hai que agradecer tamén ao Mestre Secundino a paixón coa que nos amosou algúns dos elementos patrimonias cos que conta o Concello da Capela: “Parque etnográfico do Río Sesín”, “Casa do Pazo” e “Escola de Gutriz”. Persoas como Secundino representan unha gran riqueza para calquera pobo.       Se hai que porlle unha pega ao roteiro,  foi a falta de tempo para asimilar toda a información recibida, tanto visualmente como oralmente.  A Capela é, sen dúbida, un lugar ao que hai que voltar…

Ver fotos

Ver máis fotos

 

Publicado en Sen clasificar | Comentarios desactivados en ROTEIRO POLAS FRAGAS DO EUME

ROTEIRO MONTE CUBEIRO-BARREDO – CASTRO VERDE / “OS PENDELLOS DA FEIRA”

Dentro do programa “Recuperando o Noso”, o domingo 22 de xaneiro terá lugar un roteiro por Castro Verde no que principiaremos a xornada no campo da feira  visitando os seus singulares e ben conservados  ” Pendellos”. Posteriormente realizaremos a ruta Monte Cubeiro-Barredo. Contamos con vós.

VER CARTEL

Ver algunhas fotos

Publicado en Sen clasificar | Comentarios desactivados en ROTEIRO MONTE CUBEIRO-BARREDO – CASTRO VERDE / “OS PENDELLOS DA FEIRA”

ROTEIRO “O BERCE DO MIÑO-PEDREGAL DE IRIMIA”

Agardámoste o vindeiro domingo 18 de decembro para realizar a Ruta Miño-Eo que descorrerá pola Serra de Meira e terá o seu inicio no Pedregal de Irimia,  lugar singular e berce do río Miño.

Ver cartel

Ver fotos A demora en “colgar” as fotos no foi responsabilidade dos fotógrafos/as, senón dun fallo técnico en blogaliza e tamén das “ocupacións festivas” da administradora do blog.

Publicado en Sen clasificar | Comentarios desactivados en ROTEIRO “O BERCE DO MIÑO-PEDREGAL DE IRIMIA”